Lisboa, O Porto e boa parte de Portugal están facendo unha aposta decidida pola rehabilitación urbana como modelo de reconstrución de zonas degradadas, tamén como fórmula de atracción de novos residentes e turistas. A restauración é a opción elixida pola singularidade dos enclaves e pola protección municipal das construcións de maior valor. Pero a auténtica razón de peso que logrou a recuperación urbanística en Portugal vén da man da creación da figura das áreas de rehabilitación urbana. Baixo ese paraugas, os promotores que optan por rehabilitar contan con exencións fiscais locais e estatais e ata financiamento público para os seus proxectos. Os concellos acompañan coas súas iniciativas dita vertente inmobiliaria. No Porto as áreas de rehabilitación abarcan ata o 26 % do seu chan.