Trala presentación do Observatorio da Vivenda de Galicia (OVG), o vindeiro 16 de febreiro terá lugar, na sede do Instituto Galego da Vivenda e Solo (IGVS) en Santiago de Compostela, a reunión para a constitución do Consello do OVG. A devandita reunión terá lugar ás 12:00 horas.

Este Consello estará conformado por representantes das administracións públicas con competencias na materia e representantes de institucións ou asociacións do sector da vivenda. A función principal do devandito Consello será o impulso e a coordinación dos traballos que realicen as diferentes seccións que ao seu abeiro se constitúan.

A orde do día será a seguinte:

• - Presentación do Observatorio da Vivenda de Galicia (OVG)
• - Aprobación do regulamento do Observatorio
• - Constitución do consello e das seccións do Observatorio
• - Temas e informes externos para abordar nos próximos meses
• - Rogos e preguntas