O Consello da Xunta aprobou o inicio da licitación de dous contratos de redacción de proxectos para a construción de 124 vivendas de promoción pública en Ou Bertón. Para iso reserva unha partida de case 921.000 euros para esta actuación coa que quere avanzar no cumprimento dun obxectivo que se fixou para a presente lexislatura, que é duplicar o parque de vivenda pública ata as 8.000, ademais de desenvolver chan para outras 20.000 protexidas e unhas 5.000 vivendas libres. O contrato dividirase en dous lotes. O primeiro correspóndese coa licitación da redacción do proxecto básico e de execución e dirección de vivendas de promoción pública na parcela 11 para 66 vivendas. O segundo lote afectará á parcela 13 para 58 vivendas.

Fonte .- Diario de Ferrol