En Galicia, a compra dunha vivenda de dous dormitorios supón un importante esforzo económico para as familias, aínda que con grandes diferenzas entre provincias e cidades. O prezo medio dunha vivenda deste tipo varía considerablemente segundo a localización, e o número de anos de ingresos familiares necesarios en Galicia para adquirila oscila entre os 3,9 e os 5,5 anos. Segundo os datos do INE e de Idealista, a cidade máis cara para mercar unha vivenda de dous cuartos é A Coruña, onde se precisan 6,6 anos de ingresos para afrontar un prezo medio de 229.212 euros. Pola contra, Lugo e Ourense presentan os custos máis accesibles, con 4,5 e 4,6 anos de ingresos necesarios, respectivamente, e prezos medios arredor dos 142.500 euros.

Por provincias, Pontevedra lidera como a máis cara, cun esforzo medio de 5,5 anos de ingresos para mercar unha vivenda de dous dormitorios, debido en parte ao impacto de cidades como Vigo que elevan a media provincial. Séguelle Lugo, onde se precisan 4,1 anos de ingresos. Pola súa banda, as provincias da Coruña e Ourense comparten unha situación similar, cunha media de 3,9 anos de ingresos familiares necesarios para a compra da vivenda. Estes datos reflicten unha mellor accesibilidade á vivenda fóra das grandes urbes, sendo as capitais as que marcan os valores máis altos dentro de cada provincia.

Fonte.- Diario de Pontevedra