A delegada da Xunta, Belén do Campo, presidiu a Comisión Territorial de Coordinación da Delegación que contou coa participación dos directores territoriais das distintas consellerías. No encontro a representante do Goberno autonómico repasou as diferentes ordes de axudas destinadas a concellos, entidades e persoas físicas para mellorar a calidade de vida dos galegos para este ano 2025.

Neste senso, destacou a necesidade dalas a coñecer para que beneficien ao maior número de cidadáns posible e puxo como exemplo algunhas como as accións para facilitar o acceso á vivenda da Consellería de Vivenda, as iniciativas dirixidas a apoiar aos autónomos, á formación para desempregados, ao comercio local e aos mercados locais da Consellería de Emprego, os apoios dirixidos ao concellos para mellorar a súas Infraestruturas e optimizar o seus servizos de administración local ou as subvencións a concellos e veciños para preservar o medio ambiente.

Belén do Campo referiuse tamén ás ordes dirixidas aos sectores productivos do eido de medio rural e do mar e a todos os apoios da Consellería de Economía Industria para polígonos industrias, empresas e pymes.  A delegada apuntou outras subvencións relevantes para a veciñanza como as dirixidas á atención sociosanitaria, as axudas de Turismo, as educaticas e as previstas para os sectores culturais e deportivos, entre outras convocadas e que se están a convocar nestas datas.

Proxectos en marcha

A representante do Goberno autonómico puxo tamén en valor os pasos dados para contar con máis dun cento de viviendas de protección oficial no barrio de Xuxán e para contar con novo solo residencial para seguir construíndo nesta zona e en Monte Mero. Belén do Campo lembrou que o compromiso da Xunta é duplicar nesta lexislatura o número de vivendas públicas ata acadar as 8.000 e facilitar solo residencial para construír 25.000 vivendas en Galicia, 20.000 protexidas e 5.000 libres. A representante do Goberno autonómico subliñou que nestes momentos “a Xunta é a administración que máis inviste en vivenda pública na cidade”.

Belén do Campo referiuse tamén ao novo CHUAC, no que xa están en marcha, en fase de escavación das obras do primeiro edificio previsto a torre polivalente e acaban de iniciarse os traballos para urbanizar a parcela de Pedralonga na que se recolocará aos expropiados. A representante do Goberno autonómico lembrou tamén que xa se concluíu o aparcadoiro provisional incluído no proxecto viario. “O Chuac avanza con paso firme e con feitos”, puntualizou. En relación co Parrote, apuntou que as obras iniciaranse nos vindeiros días. No encontro fixáronse tamén as prioridades de cara ao próximo trimestre.

Fuente.- Xunta de Galicia