O mes de maio pechouse cun incremento interanual do prezo do alugueiro en España do 9,9%, acadando os 14,5 euros por metro cadrado, segundo o informe máis recente de Idealista. Este aumento marca un novo máximo histórico nos prezos do alugueiro no país. No último trimestre, as rendas medraron un 3,9%, mentres que só no mes de maio o incremento foi do 1,7%, confirmando unha tendencia ascendente que afecta practicamente a todo o territorio.

A maior parte das capitais españolas rexistraron subas no alugueiro respecto a maio do ano pasado, destacando casos como Zamora (+15,2%), Ávila (+14,9%) e Castelló da Plana (+14,6%). Só dúas cidades tiveron baixadas: Girona (-2%) e Cuenca (-1,8%). Nas grandes urbes como Madrid, Barcelona, Valencia ou Málaga, o aumento tamén foi notable, oscilando entre o 10% e o 12%. Pola contra, Huesca (1,3%) e Huelva (3,3%) foron das que menos subiron.

En canto ás provincias, Barcelona mantense como a máis cara para alugar cun prezo medio de 20,6 euros/m², seguida por Madrid e Baleares. Pola contra, Zamora, Ciudad Real e Jaén presentan os prezos máis baixos. Todas as comunidades autónomas viron incrementadas as súas rendas nun ano, sendo Madrid (12,4%), A Rioxa (11,5%) e Cataluña (11,4%) as que lideran as subas, mentres que Navarra (2,7%) e Baleares (3%) foron as que menos aumentaron.

Fonte.- Idealista