O Senado italiano vén de aprobar o novo Decreto de Seguridade. Esta nova normativa supón un endurecemento significativo das penas relacionadas coa okupación ilegal de vivendas e, en xeral, cos delitos que afectan á seguridade e á orde pública. Unha das principais novidades é a incorporación ao Código Penal do artigo 634-bis, que tipifica como delito a ocupación ilegítima de inmobles destinados a vivenda allea, cando se realiza mediante violencia, ameazas, engano ou artificios. Este delito pode supoñer penas de prisión de entre dous e sete anos, e será perseguido de oficio en casos particularmente graves, como cando a vítima sexa unha persoa vulnerable ou se trate de bens públicos. Tamén se penaliza a quen colabore ou obteña beneficios económicos derivados da okupación.

Outra das medidas destacadas do decreto é a creación dun procedemento acelerado para o desaloxo e recuperación das vivendas ocupadas, especialmente cando se trate de primeiras residencias. Se a okupación afecta á vivenda principal, a policía poderá actuar de maneira inmediata sen necesidade de orde xudicial previa, sempre que existan indicios claros de ilegalidade. En caso de resistencia por parte do ocupante, autorízase o uso da forza con previa autorización do fiscal, podendo realizarse o trámite por medios telemáticos. O proceso inclúe prazos rigorosos para a presentación de informes e a validación xudicial, co fin de garantir unha resposta áxil e efectiva.

Fonte.- Idealista