O Ministerio de Vivenda e Axenda Urbana, a través da Entidade Pública Empresarial de Solo (Sepes), vén de licitar a redacción dos proxectos para construír 1.092 vivendas en 12 localizacións distintas do Estado. Estas novas actuacións súmanse ás 596 xa licitadas previamente, alcanzando un total de 1.664 vivendas públicas. Con esta iniciativa, segundo indica o propio Ministerio, cúmprese e incluso supérase o compromiso asumido pola ministra Isabel Rodríguez para reforzar a oferta de vivenda pública e protexida. Entre os proxectos destacan actuacións en lugares como Adelaida Muro (Galicia), Benalúa e La Celadilla (Comunidade Valenciana), Alfonso Montalvo e Parcela 1B (Castela e León), ou Ca n'Escandell (Baleares), cun total de 362 vivendas.

A selección dos proxectos terá en conta criterios como a calidade arquitectónica, a integración co contorno urbano, o valor conceptual da proposta e a incorporación de medidas de sustentabilidade ambiental. Ademais, valorarase a industrialización da construción e a súa capacidade de reducir prazos e aplicar innovacións. Esta estratexia está aliñada co PERTE da Industrialización da Vivenda aprobado recentemente, co obxectivo de fomentar un novo modelo produtivo no sector. As vivendas resultantes serán protexidas e de carácter permanente, formando parte do parque público estatal xestionado pola futura empresa pública de solo e vivenda asequible, que se encargará de todo o ciclo residencial, dende a urbanización ata a xestión final das vivendas.

Fonte.- Idealista