O Banco de España e o Ministerio de Vivenda e Axenda Urbana veñen de asinar un acordo de colaboración co obxectivo de perfeccionar o estudo do mercado inmobiliario. Esta alianza baséase no intercambio de datos, a análise conxunta de proxectos de investigación e a procura de melloras nas fontes de información existentes. O convenio, rubricado polo gobernador do Banco de España, José Luis Escrivá, e pola ministra Isabel Rodríguez, terá unha duración inicial de catro anos, con opción de prórroga por outro período igual.

Para poñer en marcha os compromisos recollidos neste convenio, ambas as dúas institucións comprométense a crear un espazo compartido de datos sobre vivenda, no que se centralizará a información relevante. Ademais, crearase unha Comisión de Seguimento formada por oito persoas, catro de cada organismo, que será a encargada de supervisar a execución do acordo, impulsar proxectos conxuntos de análise, promover grupos de traballo temáticos e identificar posibles melloras nos datos dispoñibles para unha mellor comprensión do comportamento do sector residencial.

Fonte.- Idealista