O Colexio Oficial de Arquitectos de Galicia (COAG) cifra que entre 2005 e 2020, máis de 55.000 vivendas colectivas visadas por arquitectos colexiados non obtiveron nunca o certificado final de obra, o que significa que non se completaron. A maior parte deses proxectos, uns 33.400, datan do período 2005-2008, en plena caída do sector da construción, pero outras 22.000 tamén quedaron paralizadas entre 2009 e 2020.

En Galicia quedaron milleiros de proxectos urbanísticos sen rematar como consecuencia directa do estourido da burbulla inmobiliaria. Moitas destas actuacións quedaron paradas en diferentes fases: dende esqueletos de edificios que nunca se concluíron ata solares onde só se colocaron carteis anunciando vivendas que nunca se chegaron a construír. Ante esta situación, a Xunta de Galicia puxo en marcha, a finais de 2024, unha iniciativa para que o sector privado poida rematar estas vivendas, coa condición de que a metade delas se destinen a vivenda protexida.

Fonte.- La Opinión de A Coruña