O Ministerio de Vivenda e Axenda Urbana chegou a un acordo coa plataforma Airbnb para garantir que todos os anuncios de pisos turísticos publicados no seu portal conten con un código de rexistro legal. A medida foi pactada esta semana durante unha reunión na sede ministerial, na que a empresa se comprometeu a comezar en agosto o envío mensual de información sobre os anuncios activos. A plataforma eliminará aqueles que presenten irregularidades no rexistro nacional, despois de avisar aos anfitrións e concederlles un prazo de dez días hábiles para emendalos. 

Actualmente, Airbnb xa obriga a incluír un campo para o rexistro, que será actualizado proximamente cun sistema de dous campos diferenciados: un para o rexistro nacional e outro para o autonómico. Esta nova regulación forma parte da implantación do Rexistro Único de Arrendamentos de Vivendas Turísticas e de Tempada, establecido polo Real Decreto 1312/2024, en vigor desde o 1 de xullo, e responde á aplicación directa do Regulamento europeo 2024/1028, coa que se pretende regular de xeito máis estrito o alugueiro de vivendas amobladas por curtos períodos.

Fonte.- El País