En Galicia estase a consolidar unha tendencia que reflicte o crecemento dos grandes propietarios inmobiliarios. Segundo os últimos datos do Catastro, en 2025 hai 144.888 galegos con máis de cinco inmobles, case 16.300 máis ca en 2022, o que supón un incremento do 12,7% nun período de só tres anos.

A evolución non é uniforme, xa que mentres os pequenos propietarios (aqueles que contan con entre un e cinco inmobles) reducíronse de maneira progresiva, os grupos con maior volume patrimonial seguen a medrar. Os titulares de entre 6 e 10 propiedades pasaron de pouco máis de 101.500 en 2022 a superar os 114.000 en 2025. Pola súa parte, no tramo de 11 a 25 inmobles tamén se rexistrou un forte aumento, cun salto do 14%, pasando de 24.265 a case 27.700 propietarios no mesmo período.

Fonte.- Faro de Vigo