A presidenta da Comunidade de Madrid, Isabel Díaz Ayuso, presentará un ambicioso plan para facer fronte á emerxencia habitacional que afecta sobre todo ás grandes cidades. O proxecto inclúe quince medidas destinadas a incrementar a oferta de vivenda pública, simplificar os trámites urbanísticos e reducir a burocracia. Entre as accións máis destacadas figuran a aprobación dunha nova Lei do Solo que permita mobilizar terreos para vivenda protexida, o aumento da edificabilidade nas parcelas de VPO e a axilización dos Plans Xerais de Ordenación Urbana, co obxectivo de recortar á metade os prazos actuais de aprobación e desenvolvemento.

O plan tamén contempla iniciativas para favorecer o acceso á vivenda de mozos e colectivos vulnerables, como a ampliación do programa Mi Primera Vivienda e a creación de novos fogares de alugueiro asequible a través do Plan Vive e do Plan Solución Joven. Ademais, prevese impulsar cooperativas en réxime de concesión para aproveitar solo público, incentivar o alugueiro de vivendas baleiras mediante vantaxes fiscais e poñer en marcha un novo Plan Territorial que xestione de maneira sostible o uso do solo. Con estas medidas, o Goberno rexional busca frear a escalada de prezos, que xa sitúa a Madrid entre as comunidades máis caras do Estado, e garantir unha oferta residencial máis ampla e accesible.

Fonte.- Idealista