As doazóns de vivendas medraron en España un 67 % entre o 2017 e o 2024, segundo os datos difundidos polo Consello Xeral do Notariado. Este incremento, cualificado polos expertos como un factor clave, está a contribuír a que moitas persoas novas poidan acceder á súa primeira vivenda grazas á transmisión de inmobles por parte das xeracións maiores. O fenómeno das doazóns e herdanzas está a converterse, así, nun dos motores principais que axudan a aliviar a dificultade de acceso á propiedade nun mercado inmobiliario cada vez máis caro e restritivo.

Ademais, os rexistros notariais mostran un aumento tamén das herdanzas, que pasaron de 335.888 en 2017 a 403.854 en 2024, mantendo unha tendencia crecente no primeiro semestre de 2025, cando xa se contabilizaron 202.923 vivendas herdadas. Entre 2017 e mediados de 2025 formalizáronse máis de once millóns de documentos notariais vinculados ás persoas maiores, entre eles testamentos, poderes, doazóns e cesións de bens, o que amosa a importancia crecente deste segmento de poboación nas transmisións patrimoniais e no sostemento da mobilidade interxeracional da vivenda.

Fonte.- La Voz de Galicia