A Autoridade do Gran Londres (GLA) estuda reducir o requisito actual do 35% de vivenda asequible nas novas promocións, co obxectivo de reactivar o sector da construción na capital británica. A medida chega tras as críticas dos promotores e inmobiliarias, que consideran que esta esixencia dificulta a rendibilidade dos proxectos e propoñen rebaixala ata entre o 10% e o 15%. O alcalde Sadiq Khan, sometido a presión interna dentro do Partido Laborista para impulsar a edificación, xa mantivo reunións con Steve Reed, novo secretario de Estado de Vivenda, Comunidades e Goberno Local, para abordar a situación.

Os datos mostran que no primeiro semestre do ano só se completaron 3.950 vivendas novas, moi por debaixo do obxectivo anual de 88.000 marcado para Londres dentro do plan estatal de 1,5 millóns de vivendas. Desde a Federación de Construtores de Vivendas, que representa o 80% dos promotores en Inglaterra e Gales, valoran positivamente a posíbel redución do limiar, aínda que reclaman tamén menos burocracia e máis incentivos. Aínda que existen proxectos de novas cidades con financiamento público e privado, as autoridades recoñecen que moitos poderían tardar anos ou mesmo décadas en materializarse, tal como xa ocorreu con iniciativas anteriores.

Fonte.- Idealista