Os desafiuzamentos de vivendas en España diminuíron un 11,6% no segundo trimestre deste ano en comparación co mesmo período de 2024, segundo os datos do Consello Xeral do Poder Xudicial (CGPJ). No total, rexistráronse 6.960 lanzamentos, dos cales tres de cada catro (un 76,1%) tiveron a súa orixe en conflitos relacionados coa Lei de Arrendamentos Urbanos, principalmente por falta de pago do alugueiro. Pola súa parte, un 17,4% derivaron de execucións hipotecarias e os restantes 444 casos responderon a outras causas.

O informe do CGPJ destaca unha redución xeneralizada en todas as tipoloxías de lanzamentos. Os procedentes de impagos hipotecarios baixaron un 17,2%, mentres que os derivados de alugueiros diminuíron un 9,8% e os doutros motivos un 12,4%. Cataluña encabezou o número de desafiuzamentos, cun total de 1.910 (o 27,4% do total), seguida de Andalucía, a Comunidade Valenciana e Madrid. En canto ás solicitudes de lanzamento presentadas aos servizos comúns de notificacións e embargos, alcanzaron as 13.628, un 2,1% menos ca o ano anterior, aínda que o 59% delas (8.075) se executaron con éxito, o que supón un incremento interanual do 14,8%.

Fonte.- El Pais