As operacións de compravenda de vivendas en España diminuíron por primeira vez en máis dun ano, cun descenso interanual do 3,4% en agosto, ata un total de 47.697 transaccións, segundo datos do INE. Trátase do nivel máis baixo para este mes nos últimos cinco anos. Pola contra, o número de hipotecas sobre vivenda medrou un 7,5%, ata as 33.271, das cales case seis de cada dez foron a tipo fixo.

O descenso nas vendas de vivendas usadas, que caeron un 4,9% ata as 37.574 operacións, foi o principal responsable desta baixada xeral, malia o aumento do 2,9% nas compravendas de vivenda nova (10.123 unidades). O 93,4% das vivendas vendidas foron libres e o 6,6% protexidas, ambas con retrocesos do 2,6% e 12,6%, respectivamente. En comparación co mes anterior, o volume total de transaccións reduciuse un 26,3%, con caídas similares tanto nas novas como nas usadas.

Fonte.- Idealista