No terceiro trimestre do ano, o custo da vivenda libre experimentou un forte incremento do 12,8% respecto ao mesmo período de 2024, marcando o avance anual máis alto desde comezos de 2007. Esta evolución mantén unha tendencia alcista que xa dura 46 trimestres consecutivos. A vivenda nova encareceu un 9,7%, moderando o ritmo respecto ao trimestre anterior, mentres que os pisos de segunda man rexistraron unha suba do 13,4%, a máis elevada dende que hai rexistros.

Todas as comunidades autónomas e as dúas cidades autónomas pecharon o trimestre con incrementos de dous díxitos nos prezos. As maiores alzas concentráronse en Murcia, Aragón, Ceuta, Melilla, Castela e León, Madrid e A Rioxa, con subas entre o 14% e o 15%. Pola contra, Navarra, Cataluña, País Vasco e Castela-A Mancha situáronse entre as rexións con aumentos máis moderados, aínda que igualmente superiores ao 10%.

Fonte.- Idealista