O prezo da vivenda usada en España incrementouse un 17,7% en taxa interanual e situouse en 2.673 euros por metro cadrado, de acordo co último índice publicado por idealista. A evolución recente reflicte tamén unha alza do 2,6% no trimestre e do 0,9% en comparación mensual, acadando o nivel máis elevado da serie histórica rexistrada pola plataforma. Todas as comunidades autónomas presentan incrementos respecto ao ano anterior. A Rexión de Murcia encabeza as subas cun 23,3%, seguida de Andalucía (20,2%), Asturias (18,5%) e Cantabria (17,8%). Por baixo da media estatal figuran Madrid (17,5%), Comunitat Valenciana (16,7%), Cataluña (13,6%), Aragón (13,4%), Euskadi (12,4%), Navarra (12%), Castilla-La Mancha (11,9%) e Canarias (10,6%). Os avances máis moderados rexístranse en Baleares (9,2%), Extremadura (8,6%), Castilla y León (8,6%), La Rioja (7,9%) e Galicia (7,4%).

Baleares consolídase como a comunidade máis cara, cun valor medio de 5.228 euros/m2, por diante de Madrid (4.640 euros/m2), Euskadi (3.476 euros/m2), Canarias (3.231 euros/m2), Andalucía (2.817 euros/m2) e Cataluña (2.784 euros/m2). No extremo oposto sitúanse Extremadura (1.042 euros/m2), Castilla-La Mancha (1.055 euros/m2) e Castilla y León (1.298 euros/m2). A nivel provincial, 48 territorios rexistran prezos superiores aos do exercicio previo, con descensos unicamente en Ourense (-4%) e Soria (-0,6%). Valencia e Murcia presentan os maiores incrementos, ambos cun 25,3%, seguidas de Toledo (19,3%), Almería (19%) e Asturias (18,5%). En canto ás capitais, todas experimentan subas interanuais, destacando León (23,1%), Murcia (20,1%), Santa Cruz de Tenerife (20%), Ciudad Real (19,9%) e Ávila (18,4%). Madrid acada os 5.914 euros/m2 e Barcelona os 5.144 euros/m2, mentres San Sebastián sitúase como a capital máis cara con 6.487 euros/m2. Zamora, con 1.335 euros/m2, é a máis económica, seguida de Jaén (1.413 euros/m2) e Lugo (1.430 euros/m2).

Fonte.- Idealista