Andy Burnham, principal aspirante a encabezar o Goberno británico, situou a política de vivenda como un dos eixes centrais da súa proposta política. Entre as medidas anunciadas destaca a creación do maior programa de construción de vivenda social desenvolvido no Reino Unido desde a posguerra, orientando os 39.000 millóns de libras previstos para vivenda accesible exclusivamente á promoción de fogares destinados ao alugueiro social. Esta reorientación suporía abandonar outros mecanismos de acceso á vivenda incluídos na planificación actual.

A proposta inclúe tamén unha revisión do sistema tributario vinculado ao solo e á propiedade. Burnham defende a implantación dun imposto anual sobre o valor do solo que grave unicamente o terreo e non as edificacións realizadas, coa finalidade de favorecer usos máis produtivos e reducir a retención especulativa. Ademais, abriu a porta á substitución do imposto aplicado ás compravendas inmobiliarias por este novo modelo e expuxo unha reforma do imposto municipal sobre os fogares. Entre as medidas complementarias figura a captación dunha parte das plusvalías xeradas por grandes infraestruturas para contribuír ao financiamento de actuacións urbanísticas e residenciais.

Fonte.- Idealista