A Xunta avanza na construción das dúas novas promocións en Navia que acadarán 73 vivendas públicas. A conselleira de Vivenda e Planificación de Infraestruturas, María M. Allegue, achegouse ao barrio vigués xunto á delegada territorial da Xunta, Ana Ortiz.

Técnicos da Consellería e da empresa adxudicataria explicaron que os futuros fogares que se constrúen en dúas parcelas contiguas no Polígono 2 de Navia distribúense en dous inmobles de 24 e 49 vivendas.

No primeiro caso, o edificio terá baixo e dúas plantas acollerá vivendas de 3 e 2 dormitorios, unha adaptada para persoas con mobilidade reducida. Por outra banda, o segundo inmoble de 49 vivendas, terá baixo e 3 plantas e contará con vivendas de 1, 2, 3 e 4 dormitorios. Entre ambas parcelas habilitarase unha vía peonil e ciclista con zonas verdes.

Fonte.- Xunta de Galicia