Los Ángeles, California, ten o mercado inmobiliario máis caro por pagos de inmobles, segundo a edición de febreiro do Índice de Asequibilidade de Vivenda de RealtyHop. Este informe examinou o que os fogares estadounidenses necesitan gastar na súa vivenda nas 100 cidades máis grandes. Para o índice deste mes, a inmobiliaria calculou os pagos hipotecarios mensuais con base nunha media hipotecaria de taxa fixa a 30 anos do 6.64%. 

Os principais resultados que amosa este informe é que os propietarios de vivenda en 80 das 100 cidades analizadas gastan máis do 30% dos seus ingresos anuais en propiedade de vivenda. Nos 25 mercados nos que é máis cara a vivenda, os propietarios gastan como mínimo o 46% dos seus ingresos. 

California segue sendo o mercado máis inasequible para o estadounidense promedio, e, adicionalmente, tres das cinco cidades menos asequibles están neste estado. Os 5 mercados que no mes de febreiro son máis inasequibles son Los Ángeles (California), Miami (Florida), Irvine (California), Nova York (NY) e Long Beach (California). Doutra banda, os tres mercados máis asequibles para os propietarios de vivenda son Detroit (Michigan), Wichita (Kansas) e Fort Wayne (Indiana).

Concretamente, en Los Ángeles os posibles compradores de vivenda teñen que gastar en torno ao 97% dos seus ingresos, mentres que en Miami é un 94%, en Irvine un 78%, en Nova York un 70%, e en Long Beach un 67%. Por outro lado, en Detroit esta cifra é do 18%, sendo o mercado máis asequible.

Fonte.- ElDiario NY