A entidade estatal Casa 47 abre unha convocatoria para acceder a 104 vivendas de alugueiro alcanzable distribuídas en nove municipios galegos. Os inmobles teñen superficies de entre 45 e 121 metros cadrados e rendas mensuais que oscilan entre os 350 e os 681 euros. Os contratos poderán acadar unha duración máxima de 75 anos, cun período inicial de 14 anos e a posibilidade de solicitar prórrogas de sete anos. A oferta inclúe 67 vivendas en Monforte de Lemos, 9 en Teo e Poio, 8 en Miño, 4 en Malpica de Bergantiños, 2 en Arteixo e Ares, e unha en Lalín, Cedeira e Ferrol.

Para acceder aos inmobles, os solicitantes non poderán ser propietarios doutra vivenda e deberán acreditar uns ingresos conxuntos de entre 2 e 7,5 veces o IPREM, establecido en 7.200 euros anuais. Ademais, o alugueiro non poderá superar o 30 % da renda media do municipio correspondente. A adxudicación realizarase mediante sorteo ante notario, tras o cal se comprobará que as persoas seleccionadas cumpren os requisitos establecidos. 

Fonte.- El Correo Gallego