Casa 47 sortea 96 vivendas de alugueiro accesible en Galicia tras recibir 903 solicitudes | Observatorio de Vivenda

Casa 47 sortea 96 vivendas de alugueiro accesible en Galicia tras recibir 903 solicitudes

Casa 47 sortea 96 vivendas de alugueiro accesible en Galicia tras recibir 903 solicitudes

A empresa pública Casa 47 realizou ante notario o sorteo de 96 vivendas de alugueiro accesible en Galicia, das que 89 están situadas na provincia da Coruña e 7 na de Lugo. O procedemento, desenvolvido de maneira conxunta con outras catro comunidades autónomas, establece a orde de comprobación dos requisitos das persoas solicitantes e a adxudicación provisional dos inmobles. A convocatoria galega recibiu un total de 903 solicitudes e os resultados poden consultarse na páxina web da entidade. Para garantir a transparencia do proceso empregouse un sistema informático do Colexio Xeral do Notariado.

Casa 47 iniciará agora a verificación das condicións de acceso, entre as que figuran ter nacionalidade española ou residencia legal en España, acreditar ingresos de entre 2 e 7,5 veces o IPREM e non dispoñer dunha vivenda en propiedade. Os inmobles ofreceranse en réxime de alugueiro accesible, con contratos de ata 75 anos, un período inicial de 14 anos e prórrogas cada sete anos, condicionadas ao cumprimento dos requisitos. Paralelamente, a entidade mantén outra convocatoria de 104 vivendas en Galicia, distribuídas en 67 en Lugo, 27 na Coruña e 12 en Pontevedra.

Fonte.- Galicia Press