O Parlament de Cataluña iniciou a tramitación dunha nova lei de vivenda que modifica a Lei de Urbanismo co obxectivo de limitar a compra especulativa de inmobles nas 271 localidades declaradas como zonas de mercado residencial tensionado, onde reside arredor do 90% da poboación catalá. A norma permitirá aos concellos aprobar plans urbanísticos específicos para restrinxir a adquisición de vivendas a dous únicos fins: destinalas a residencia habitual ou ao alugueiro residencial con rendas limitadas.

Os grandes tenedores con cinco ou máis vivendas non poderán adquirir inmobles para especular nestas zonas e só poderán mercar edificios completos se os destinan ao alugueiro con prezos regulados. No caso das persoas físicas consideradas grandes tenedores, unicamente poderán comprar unha vivenda para residencia propia, acreditándoo mediante declaración responsable e empadroamento. A lei tamén establece que os pequenos propietarios poderán adquirir ata catro vivendas para uso propio, de familiares de ata segundo grao ou para alugueiro co prezo regulado, ademais de permitir unha segunda residencia noutro municipio.

Fonte.- El Confidencial