España é o Estado da Unión Europea cunha maior proporción de poboación residente en apartamentos. Segundo datos de Eurostat, o 65,3 % dos habitantes do país vivía en pisos en 2024, unha porcentaxe que supera amplamente a doutros socios comunitarios. Tras España sitúanse Letonia, Malta e Estonia, únicos países que tamén superan o 60 % de residentes neste tipo de vivenda. Ademais, Lituania, Alemaña, Grecia, Italia e República Checa presentan niveis situados entre o 50 % e o 60 % da poboación que reside en edificios de apartamentos.

No conxunto da Unión Europea predomina, con todo, a vivenda unifamiliar. A media comunitaria indica que o 51,4 % da poboación reside en casas independentes. En sete países esta opción supera o 70 % dos residentes: Eslovenia, Hungría, Chipre, Croacia, Bélxica, Países Baixos e Irlanda. Este último lidera o ranking europeo de vivenda unifamiliar, cun 90,2 % da poboación que vive en casas independentes.

 

Fonte.- Idealista