Ferrol Vello, barrio situado na zona portuaria, cuxo deterioro foise agravando co paso dos anos ata presentar unha imaxe case ruinosa, comeza a rexurdir gracias, especialmente, aos proxectos de rehabilitación da Xunta, como o plan Rexurbe posto en marcha pola Consellería de Medio Ambiente, Territorio e Vivenda no casco vello de Ferrol, que serviron para impulsar a outras administracións e entes privados a implicarse en rexurdir os barrios máis deteriorados da cidade.

Concretamente, no referido ao programa Rexurbe, a Xunta adquiriu unha veintena de edificios ruinosos para a súa rehabilitación e o Instituto Galego da Vivenda (IGVS) xa está executando a obra de construcción de dúas vivendas no barrio.

Pola súa parte, o Concello de Ferrol, ademáis de avanzar na reurbanización de varios viales de Ferrol Vello, no borrador dos presupostos deste ano, incluiu unha partida para a recuperación da casa natal de Carvalho Calero, situada na Praza Vella, contribuíndo así ao rexurdir do barrio.

Fonte | La Voz de Galicia