En abril, Galicia rexistrou un notable aumento nas operacións de compravenda de vivendas, cun crecemento do 14,4 % respecto ao mesmo mes do ano anterior, superando a media estatal, que apenas chegou ao 1,3 %, segundo informou o Consello Xeral do Notariado. Este repunte sitúa a comunidade galega á cabeza do Estado no volume de transaccións, seguida por Cataluña e Aragón, ambas cun incremento do 11,3 %, e o País Vasco, cun 10,8 %. Pola contra, sete comunidades experimentaron unha baixada nas compravendas, entre elas as Illas Canarias (-17,6 %), Madrid (-11,8 %) e Navarra (-6,7 %).

Ademais do dinamismo no mercado inmobiliario, Galicia tamén liderou o aumento do prezo medio por metro cadrado nas operacións de compravenda, cunha suba interanual do 19,1 %, moi superior á media española, situada no 5,5 %. Outras comunidades que rexistraron fortes aumentos nos prezos foron a Rexión de Murcia e a Comunidade de Madrid (ambas cun 17,5 %) e Aragón (11,5 %). Pola súa parte, Extremadura (-2,4 %), A Rioxa (-1,2 %) e o País Vasco (-0,5 %) foron as únicas autonomías onde os prezos descenderon.

Fonte.- Diario de Santiago