As hipotecas constituídas sobre vivendas en Galicia rexistraron unha baixada interanual do 2,6%, cun total de 1.395 operacións formalizadas. Este comportamento diferenciouse da evolución do conxunto estatal, onde as hipotecas para compra de vivenda creceron un 2,3% ata alcanzar as 40.010 operacións. A pesar do descenso no número de préstamos en Galicia, o importe total financiado superou os 296 millóns de euros, cun incremento do 37,7%. No conxunto das fincas, constituíronse 1.885 hipotecas na comunidade, o que supón unha redución do 3,3%, mentres que en España o volume aumentou un 1,4% ata as 51.136 operacións.

No ámbito estatal, o importe medio das hipotecas sobre vivenda situouse en 173.331 euros, un 11,1% máis que no exercicio anterior, cun capital total prestado próximo aos 6.935 millóns de euros. O tipo de xuro medio acadou o 2,9% e o prazo medio dos préstamos mantívose en 25 anos. O 62,9% das novas hipotecas formalizouse a tipo fixo e o 37,1% a tipo variable. Segundo a valoración dos portais inmobiliarios, o mercado hipotecario continúa mantendo un nivel elevado de actividade apoiado nas condicións de financiamento, aínda que comezan a apreciarse indicios de moderación na evolución do crédito.

Fonte.- Atlántico