O Concello de Madrid reducirá o tipo xeral do Imposto sobre Bens Inmobles (IBI) do 0,414 % ao 0,4 %, o mínimo permitido pola lexislación. A medida afectará 2,27 millóns de recibos e beneficiará, entre outros, os propietarios de 1,53 millóns de inmobles residenciais. Segundo as estimacións municipais, unha vivenda cun valor catastral de 135.134 euros terá un recibo anual de 540 euros, fronte aos 689 euros que resultaría de aplicar o tipo do 0,510 % vixente en 2019. Isto supón un aforro de 149 euros. Ademais, manteranse as bonificacións de ata o 90 % para familias numerosas, que beneficiarán arredor de 37.000 familias e permitirán un aforro conxunto de 16 millóns de euros.

A rebaixa fiscal tamén se estenderá aos inmobles destinados a actividades económicas, incluídos 93.546 locais comerciais, 30.363 oficinas, 10.704 inmobles industriais e 9.129 establecementos de lecer e hostalaría. Pola súa banda, a nova ordenanza da Taxa de Xestión de Residuos incorporará criterios relacionados coa calidade da separación dos residuos para calcular a parte variable do recibo. O importe terá en conta, entre outros factores, o valor catastral de cada vivenda ou local, a cantidade de residuos xerados e o número de persoas empadroadas. A taxa media de recollida de residuos situarase en 143 euros por recibo, unha contía similar á aplicada anteriormente.

Fonte.- Idealista