A compravenda de vivendas en España reduciuse un 11,8% en termos interanuais, ata as 55.761 operacións, segundo os datos do Consello Xeral do Notariado. As transaccións de pisos descenderon un 14,1%, ata as 41.211 unidades, mentres que as de vivendas unifamiliares baixaron un 4,7%, situándose en 14.550. O prezo medio da vivenda alcanzou os 2.049 euros por metro cadrado, un 8,8% máis, con incrementos do 14% nos pisos, ata os 2.455 euros por metro cadrado, e do 2,7% nas vivendas unifamiliares, ata os 1.445 euros por metro cadrado. A compravenda diminuíu en 14 comunidades autónomas e só aumentou en Navarra (8,2%), Castela-A Mancha (4,5%) e Estremadura (0,2%).

O informe tamén sinala unha redución do 4% nos préstamos hipotecarios destinados á compra de vivenda, cun total de 30.577 operacións, aínda que o importe medio dos préstamos aumentou un 3,9%, ata os 181.976 euros. O 54,8% das compravendas financiáronse mediante hipoteca, que cubriu de media o 72,5% do prezo da vivenda. Pola súa parte, o prezo da vivenda aumentou en 16 das 17 comunidades autónomas, con Baleares (16,3%) e Castela-A Mancha (15,4%) á cabeza, mentres Galicia foi a única que rexistrou unha baixada dos prezos (-6,8%). Ademais, a superficie media das vivendas reduciuse un 2,2% e Galicia destacou cun incremento do 5,2%, en contraste coa tendencia xeral.

Fonte.- Idealista