A estatística rexistral inmobiliaria do Colexio de Rexistradores reflicte un incremento relevante da actividade no mercado da vivenda en Galicia, cun total de 26.815 compravendas, o que supón un avance do 14,2%. A maioría das operacións corresponderon a vivenda usada, con 19.970 transaccións, fronte a 6.845 de vivenda nova. O prezo medio tamén aumentou un 8,2%, ata situarse en 1.638 euros por metro cadrado. No conxunto estatal contabilizáronse máis de 705.000 operacións, cun crecemento do 10,7%, mentres que o prezo medio alcanzou os 2.284 euros por metro cadrado, cun avance anual do 9,5%, máximo histórico da serie.

Os rexistradores sinalan que, malia manterse niveis elevados de compravendas e hipotecas, o continuo aumento dos prezos, con incrementos de dous díxitos durante varios trimestres, xera incertezas sobre a sustentabilidade do mercado a medio e longo prazo. Advirten de que a demanda non é allea ao encarecemento e que este proceso podería derivar nunha redución da actividade inmobiliaria. O informe tamén destaca o deterioro dos indicadores de accesibilidade, cun esforzo hipotecario que representa o 33,8% do custo salarial, así como o aumento do endebedamento hipotecario medio ata 1.691 euros por metro cadrado.

Fonte.- GaliciaPress