A entidade estatal Casa 47, dependente do Ministerio de Vivenda e Axenda Urbana, adxudicou a redacción do proxecto básico e de execución dun edificio con 11 vivendas destinadas a alugueiro accesible na Coruña. O contrato foi asignado ao estudo Consultora de Ingeniería y Empresa, S.L. por un importe de 73.716 euros, sen impostos. A actuación desenvolverase nunha parcela de 371 metros cadrados situada na rúa Adelaida Muro nº 24, onde se levantará un inmoble de catro plantas.

O edificio reservará a planta baixa para garaxes, accesos e zonas comúns, mentres que o resto das alturas albergarán as vivendas. Na valoración da proposta destacouse a calidade arquitectónica, a integración co contorno urbano, a composición estética e a incorporación de criterios de sustentabilidade ambiental, incluíndo técnicas bioclimáticas e medidas de aforro de auga. Tamén se tiveron en conta aspectos como a industrialización do proceso construtivo, a redución dos prazos de execución e a aplicación de solucións innovadoras.

Fonte.- GaliciaPress