O prezo da vivenda en Reino Unido rexistrou en setembro a maior porcentaxe de incremento anual nos últimos dous anos. Concretamente, aumentou un 3,2%, superando o 2,4% de agosto e supón o maior aumento rexistrado desde novembro de 2022, segundo datos do prestamista hipotecario Nationwide. En comparación ao mes anterior, a subida foi do 0,7%. O prezo medio dunha casa é agora de 266.094 libras (319.505 euros), un 2% por baixo do máximo histórico rexistrado no verán de 2022.

A nivel rexional, Irlanda do Norte experimentou o crecemento máis rápido nos prezos da vivenda, cun aumento interanual do 8,6% no terceiro trimestre, máis do triplo da media nacional do 2,5%. O norte de Inglaterra seguiu superando ao sur, cun aumento interanual dos prezos do 3,1%, fronte ao 1,3% do sur. Na capital, Londres, onde as propiedades son as máis caras da rexión, alcanzando unha media de 525.000 libras, o crecemento dos prezos foi inferior á media nacional, cun 2%.

Fonte.- Idealista