Segundo o último informe elaborado pola patronal inmobiliaria Fegein, a cidade conta con 350 inmobles en arrendamento dispoñibles, preto do 30% menos que fai un ano, cando eran 490. O prezo por metro cadrado na cidade herculina actualmente sitúase en 9,2 €/m2, o segundo concello con maior prezo tras Vigo. Ademáis, o problema da vivenda destaca máis en A Coruña, debido a que o 29% dos coruñeses viven de alugueiro, a porcentaxe máis alta da comunidade. 

No conxunto da comunidade autónoma, no total dos 313 concellos, súmanse 2.780 vivendas dispoñibles para alugar, un 45% menos que fai catro anos, cando eran aproximadamente 6.000 as vivendas dispoñibles. A previsión por parte de Fegein, que adiantou en xaneiro, afirma que durante o primeiro semestre do ano os prezos da vivenda en alugueiro seguirán incrementándose moderadamente, mentres que a oferta continuaría descendendo. 

Fonte.- El Ideal Gallego