Os datos do Colexio Oficial da Arquitectura Técnica da Coruña (Coatac), concretamente nun informe do Gabinete Técnico do organismo, reflicten que non só crece o número de vivendas a construír, senón que os expedientes de obra, onde se inclúen novos proxectos, rehabilitacións e reformas, tamén se incrementan.

O visado de novas vivendas a construír na cidade aumentou un 29,2% no primeiro semestre do ano. Así, visáronse 340 novos inmobles de xaneiro a xuño, fronte aos 263 contabilizados no mesmo período do ano pasado, segundo o Coatac. Ademais, en ningún do últimos cinco exercicios superouse a marca das 300 vivendas visadas na primeira metade do ano. En canto á provincia da Coruña, tamén se rexistrou unha subida, neste caso do 20,1%: se no primeiro semestre de 2023 visáronse 844 vivendas, este ano a cifra é de 1.014. 

Os expedientes de obras, que reflicten todas as intervencións relacionadas directamente coa construción, son outro indicador para coñecer a evolución do sector. O total de obras visadas no municipio da Coruña no primeiro semestre de 2024 incrementouse un 1,5%, ao pasar das 129 dos seis primeiros meses de 2023, aos 131 expedientes de xaneiro a xuño deste ano, segundo os datos de Coatec. 

Na provincia, pola súa banda, baixaron un 7,3%, pasando de 911 no primeiro semestre de 2023, ás 844 mesmo período deste ano. 

Fonte.- El Ideal Gallego