Nos últimos meses, o número de vivendas dispoñibles para a venda nos Estados Unidos aumentou de maneira significativa en case todos os estados. Tras acadar un mínimo histórico no ano 2022, o volume de inmobles en venda foi medrando paulatinamente ata situarse preto de cifras que non se vían dende hai case unha década. Este repunte débese, en boa medida, ao feito de que moitos propietarios decidiron poñer os seus inmobles no mercado, impulsados pola estabilización das condicións económicas e pola necesidade de cambiar de residencia, producíndose unha modificación no equilibrio entre a oferta e a demanda.

Porén, esta suba no número de vivendas en venda non está a ser uniforme en todo o país. Estados como Florida e Texas están a rexistrar niveis de inventario que non se vían dende hai nove anos, o que está a provocar unha presión á baixa nos prezos. Pola contra, en rexións como Nova York ou en certos puntos do Medio Oeste, a oferta continúa a ser escasa, o que mantén unha forte competencia entre compradores e sostén os prezos elevados. 

Fonte.- Idealista