O español medio ten que dedicar o 41% do seu soldo bruto ao pago do alugueiro da súa vivenda en 2020, é dicir, o mesmo que en 2019 (41%), segundo o último estudo publicado por Fotocasa e Infojobs.

En 2020, o prezo da vivenda en alugueiro en España pechou cun incremento anual do 4,6% e situou o prezo en decembro en 10,65 euros/m2 ao mes. Isto supón que, tendo en conta o salario bruto medio de España rexistrado por InfoJobs, que en 2020 era de 25.173 euros (2.098 euros brutos mensuais se o dividimos en 12 pagas); os españois terían que dedicar un 41% do soldo íntegro ao pago dunha vivenda de 80 metros cadrados en alugueiro.

Por outra banda, no ano da pandemia, sete das 17 comunidades autónomas reduciron a porcentaxe destinada ao alugueiro e ademais, en dous delas o soldo descendeu máis do -5% respecto ao ano anterior. Canarias é a comunidade na que máis se reduciu a porcentaxe do soldo bruto destinado ao pago do alugueiro, pasou do 43% (2019) ao 36% (2020). O resto das comunidades con descenso son: Baleares (do 50% en 2019 ao 44% en 2020), Madrid (do 56% en 2019 ao 50% en 2020), Cataluña (do 56% en 2019 ao 53% en 2020), País Vasco (do 51% en 2019 ao 49% en 2020), Andalucía (do 35% en 2019 ao 34% en 2020) e Comunitat Valenciana (do 34% en 2019 ao 33% en 2020).

Fonte | Fotocasa