Os informes da recta final do ano sobre o mercado inmobiliario seguen reflictindo que, pese á ralentización no ritmo de crecemento, os prezos continúan subindo, polo que non se pode dicir que a pandemia facilitou o acceso á vivenda nova para os futuros compradores. De feito, e segundo a Sociedade de Tasación, os españois aínda precisan 7,5 anos de soldo íntegro para comprar unha vivenda.

Como en todo, os prezos neste mercado tamén van por barrios e, segundo o informe, Cataluña (3.983 €/m2), a Comunidade de Madrid (3.673 €/m2) e o País Vasco (2.755 €/m2) son as autonomías onde existe o prezo máis elevado por metro cadrado construido. No outro lado da táboa aparecen Extremadura (1.206 €/m2), Murcia (1.263 €/m2) e Castela-La Mancha (1.440 €/m2), que se consolidaron durante todo o pasado ano como as comunidades que presentan prezos de vivenda nova máis baixos, segundo os datos recopilados no informe.

Así, o Índice de Esforzo Inmobiliario, que mide ese número de anos de soldo íntegro que un ciudadán medio necesita destinar para a compra dunha vivenda de tipo medio, situouse en 7,5 anos a peche do cuarto trimestre de 2020.

En base a isto, Baleares posiciónase como a autonomía onde máis anos se necesitan para acceder a unha vivenda (16,5), dúas décimas máis que fai un ano. Polo contrario está La Rioja, onde o acceso á vivenda require de 4,5 anos de salario íntegro, catro décimas menos que fai un ano.

Fonte | El Español