Os ministros de Emprego e Asuntos Sociais da Unión Europea presentaron unha recomendación para reforzar a protección dos fogares vulnerables en risco de perder a súa vivenda. Entre as medidas propostas figuran a detección temperá das situacións de vulnerabilidade, o asesoramento sobre débedas, a protección fronte aos desaloxos forzosos, as axudas de emerxencia ao alugueiro e a mediación. A iniciativa tamén promove o incremento da oferta de vivenda social, aínda que non ten carácter xuridicamente vinculante para os Estados membros.

A recomendación tamén inclúe medidas para garantir o acceso dos menores e dos mozos que abandonan o sistema de protección a unha vivenda adecuada, así como servizos coordinados de atención ás persoas sen fogar. Segundo as estimacións institucionais, máis dun millón de persoas viven sen fogar na Unión Europea. Ademais, o prezo nominal da vivenda aumentou máis dun 60 % entre 2013 e 2024, con incrementos superiores ao 220 % nalgúns Estados membros.

Fonte.- La Vanguardia