O acceso á vivenda estase convertendo nun problema crecente en moitos países do mundo, onde os prezos de compra e alugueiro soben moito máis rápido que os ingresos das familias. Entre as causas destacan o aumento da demanda, a escaseza de oferta, e as subidas dos tipos de xuro, que encarecen as hipotecas. En lugares como España, Portugal ou Estados Unidos, esta situación está dificultando especialmente ás novas xeracións acceder a unha vivenda propia.

Ademais, a crise afecta sobre todo as zonas urbanas e áreas con alta demanda turística, onde os prezos están disparados. Aínda que hai excepcións, como Alemaña e Xapón, onde os prezos baixaron lixeiramente debido a factores específicos dos seus mercados, o problema é global. Isto está xerando unha crise inmobiliaria onde o alugueiro tamén se fai inaccesible para moitas persoas, sobre todo nas cidades.

Fonte.- El País