O mercado residencial portugués presenta importantes diferenzas entre municipios, con sete localidades nas que o prezo medio de venda alcanza ou supera os 750.000 euros, segundo o Barómetro Municipal de Imovirtual. Cascais sitúase á cabeza cunha media de 1,3 millóns de euros, seguido de Grândola, con 1,1 millóns, e Calheta, en Madeira, con 920.000 euros. Tamén superan ou igualan os 750.000 euros Castro Marim (860.000 euros), Loulé (779.000), Oeiras (750.000) e São Brás de Alportel (750.000), mentres que Lisboa alcanza os 720.000 euros e Sines os 670.000.

No extremo contrario, Vila Velha de Ródão presenta o prezo medio máis baixo, con 49.000 euros, seguida de Pampilhosa da Serra (56.250 euros), Vinhais (57.000) e Proença-a-Nova (67.500 euros). Entre os municipios máis accesibles tamén figuran Castelo Branco, Baião, Guarda, Bragança, Portalegre e Beja, todos con medias inferiores a 210.000 euros.

Fonte.- The Portugal News