Nos últimos informes publicados pola Sociedade de Taxación a Tasadora Tinsa, infórmase de que no conxunto de España espéranse máis subidas no prezo da vivenda nos próximos meses, sumado ao incremento dun 3% acontecido no verán. Ambas compañías afirman que os prezos medios da vivenda, tanto nova como usada, mantivéronse á alza no terceiro trimestre. 

Sociedade de Taxación sitúa o prezo medio do m2 a peche de setembro en 1.903 euros, un incremento en comparación aos 1.887 euros en xuño, tras rexistrar unha variación anual do + 3,6% unha variación semestral do + 1,9%. Unha tendencia que se mantería ata final de ano e que podería elevar o prezo medio ata os 1.918 euros/m2, aproximadamente. 

Tinsa, pola súa banda, tamén constata unha subida do prezo medio da vivenda nova e usada de máis do 3% no terceiro trimestre. No seu caso, a información ofrecida sinala que o prezo se situaría nos 1.804 euros/m2, cunha alza trimestral do 1,3% e interanual do 3,1%. O informe indica que se trata dun ritmo de crecemento "acorde coa inflación", e revela "certo dinamismo" nos prezos, fronte á estabilización de trimestres anteriores. 

Fonte.- Idealista