A rehabilitación do parque residencial español, un dos alicerces do Plan de Recuperación, Transformación e Resiliencia, contará con deducións de entre o 20% e o 60% no IRPF ás que poderán acollerse os propietarios que impulsen nas súas vivendas obras de mellora co obxectivo de acelerar a súa eficiencia enerxética.

Estas deducións, que parten dun mínimo do 20%, ascenden ao 40% e alcanzan un máximo do 60%, serán aplicables a todas as persoas físicas que realicen determinadas obras na súa vivenda habitual ou nunha vivenda da súa titularidade, por exemplo alugada, que contribúan á mellora da eficiencia enerxética. 

Así, en primeiro lugar, habería unha dedución do 20% para quen, ao realizar determinadas obras, reduzan polo menos un 7% da demanda de calefacción e refrixeración da vivenda e unha dedución do 40% para os propietarios que rebaixen ata un 30% o consumo de enerxía primaria non renovable, acreditable a través do certificado de eficiencia enerxética. En segunda instancia, haberá unha dedución do 60% por obras de rehabilitación para edificios enteiros condicionadas a unha redución do consumo de enerxía primaria non renovable, referida á certificación enerxética, dun 30% como mínimo, ou ben, á mellora da cualificación enerxética do edificio para obter unha clase enerxética «A» ou «B», na mesma escala de cualificación.

Fonte | El País