O Goberno do Reino Unido puxo en marcha o Banco Nacional de Vivenda, unha nova entidade pública dotada con arredor de 18.350 millóns de euros co obxectivo de reforzar a oferta residencial. Esta institución, apoiada por Homes England, facilitará avales e financiamento a promotores para mobilizar ata 500.000 vivendas e xerar 60.000 millóns de euros de investimento privado nun horizonte de dez anos. A iniciativa tamén busca mitigar o impacto do incremento de custos no sector e avanzar cara ao obxectivo de construír 1,5 millóns de vivendas.

O modelo inclúe unha forte compoñente social, ao establecer que o 33% das novas vivendas deberán ser accesibles ou de carácter social. Ademais, o conxunto de recursos mobilizados podería acadar os 48.000 millóns de libras ao sumar subvencións e financiamento para solo e infraestruturas. Como primeira actuación, aprobouse un investimento de preto de 115 millóns de euros xunto a Aviva Capital Partners para desenvolver 3.300 vivendas, cunha parte relevante destinada a prezos accesibles, incluíndo actuacións iniciais en Liverpool e Manchester sobre solo industrial en desuso.

Fonte.- Idealista