A Xunta de Galicia avanzará na promoción de vivenda pública en Santiago coa construción de 34 vivendas protexidas distribuídas en dous edificios na zona de Santa Marta, cun investimento total de 7.029.189 euros. O proxecto desenvolverase en dúas parcelas situadas na rúa Syra Alonso e cedidas polo Concello, cada unha cunha superficie de 560 metros cadrados e capacidade para albergar 17 vivendas. Do orzamento previsto, 191.556 euros destinaranse á redacción do proxecto, 114.459 euros á dirección de obra e 6.723.173 euros á execución dos inmobles, financiados integramente con recursos propios da administración autonómica.

A actuación incorpora por primeira vez en Santiago un sistema de construción industrializada aplicado á vivenda pública, baseado na fabricación previa de parte das estruturas en instalacións especializadas para o seu posterior ensamblaxe no emprazamento definitivo, co obxectivo de reducir os tempos de execución. As parcelas foron cedidas coa condición de destinar as promocións ao alugueiro accesible mediante prezos protexidos. 

Fonte.- El Correo Gallego