Segundo os datos da Oficina Nacional de Estatística, un fogar medio tivo que destinar o 36,3% dos seus ingresos brutos ao pagamento do alugueiro no exercicio fiscal rematado en marzo de 2024, fronte ao 33,1% do ano anterior. Isto supón un esforzo moi por riba do límite do 30% que os especialistas consideran razoable. A principal causa foi o forte incremento dos prezos dos arrendamentos, que medraron un 7,9% ata situarse nunha media mensual de 1.232 libras (uns 1.057 euros), mentres que os ingresos dos fogares arrendatarios caeron un 1,5%, situándose en 3.396 libras mensuais brutas (2.915 euros).

En rexións como West Midlands, suroeste e Londres, a porcentaxe de ingresos destinada ao alugueiro superou claramente a barreira do 30%, chegando no caso da capital ao 41,6%. Pola contra, zonas como o nordeste, noroeste ou East Midlands melloraron lixeiramente o seu nivel de accesibilidade, malia que os prezos tamén subiron. Esta disparidade explícase polo ritmo desigual de crecemento salarial entre rexións, o que fixo que a presión do alugueiro se notase con máis intensidade en certas áreas urbanas que noutras.

Fonte.- Idealista