Para axudar a resolver o problema que arrasa a Europa, o próximo executivo da Unión Europea contará, por primeira vez, cun comisario responsable da vivenda. A súa función será atraer investimentos en vivenda e fomentar a redución dos custos na construción.

Entre as funcións que se lle asignarán, destaca o desenvolvemento dun Plan Europeo de Vivenda Alcanzable, que debería proporcionar asistencia técnica aos Estados membros en materia de investimento. Ademais, este plan tamén debería incluír unha estratexia para o sector da construción centrada na redución de custos e a mellora da produtividade. Paralelamente, o futuro Comisario de Vivenda deberá traballar co Banco Europeo de Investimentos (BEI) para crear unha plataforma paneuropea de investimentos en favor da construción.

A necesidade de elixir un Comisario de Vivenda quedou reflectida na carta de misión que Ursula von der Leyen, Presidenta da Comisión Europea, entregou ao Comisario designado Dan Jørgensen, onde sinalou que «millóns de mozos e familias loitan por atopar unha vivenda alcanzable en toda Europa. Temos que facer fronte a isto urxentemente axudando aos Estados membros a abordar os factores estruturais e desbloquear o investimento público e privado». 

Fonte.- Idealista