A Xunta adxudicará a construción dun edificio de 12 vivendas de promoción pública no concello da Coruña á empresa Prosema Noroeste, S.L., por importe de 2.087.490 euros, segundo acordou hoxe o Consello de Administración da Sociedade de Vivenda Pública de Galicia (Vipugal), presidido pola conselleira de Vivenda e Planificación de Infraestruturas, María M. Allegue.

As vivendas construíranse  na parcela B5 do polígono F6.02-Praza Porticada I-PB5, na Rúa Rei Abdullah, que foi cedida polo concello da Coruña

Construirase un edificio de baixo e seis plantas.

A  planta baixa estará dedicada a 12 rochos, centralizacións de contadores, cuarto de caldeiras, cuarto comunitario, cuarto de lixo e centro de transformación.

En cada unha das plantas 1 a 6 haberá dúas vivendas. Unha será de dous dormitorios e a outra de un, de maneira que en total haberá seis vivendas de cada tipo. 

O proxecto foi redactado por Cristina Ansede Viz, adxudicado por 79.376 euros.

Fonte.- Xunta de Galicia