Con data 15 de febreiro de 2019 publicouse o Decreto 4/2019, do 7 de febreiro, polo que se regulan determinadas axudas do Plan de Vivenda de Cantabria 2018-2021.

Este Plan ten como obxectivos os seguintes: 

- Incentivar o alugueiro como modo preferente de acceso á vivenda.

- Mellorar a calidade do parque edificado de Cantabria mediante o fomento da rehabilitación dirixida á súa conservación, á mellora da súa eficiencia enerxética e da súa accesibilidade universal.

- Impulsar o incremento do parque público de vivenda en alugueiro, tanto público como privado cuns prezos de alugueiro limitados.

- Impulsar a mobilización da vivenda baleira para o seu destino ao alugueiro a un prezo taxado.

- Fomento da fixación da poboación nova no ámbito rural.

- Potenciar as relacións da política de vivenda co terceiro sector contribuíndo ao goce dunha vivenda digna e adecuada ás persoas maiores, debedores hipotecarios e colectivos en risco de exclusión social.

- Reforzar a cooperación e coordinación interadministrativa e dos diferentes programas do Plan entre si.

- Potenciar a coordinación cos axentes privados no desenvolvemento das políticas de vivenda.

- Contribuír á reactivación do sector inmobiliario.

Para a consecución dos seus obxectivos, o plan establece subvencións para os seguintes programas:

1. Programas de axudas ao pago do alugueiro de vivenda (axudas xerais ao pago do alugueiro, axudas a persoas en situación de desafiuzamento ou lanzamento da súa vivenda habitual e axudas á mobilización de vivenda baleira para o seu arrendamento) 

2. Programas de axudas para a fixación de poboación nova no ámbito rural (axudas á compra de vivenda para a mocidade).

3. Programas de fomento da promoción de vivendas (fomento do parque público de vivenda en aluguer e fomento de vivendas para persoas maiores e persoas con discapacidade).

4. Programas de fomento da rehabilitación, a rexeneración e a renovación urbana e rural (fomento da mellora da eficiencia enerxética e a sustentabilidade en vivendas, fomento da conservación, seguridade e mellora da accesibilidade en vivendas, axuda á elaboración do informe de avaliación dos edificios de vivendas e fomento da rexeneración e renovación urbana e rural).

Ligazón.- Decreto 4/2019, do 7 de febreiro, polo que se regulan determinadas axudas do Plan de Vivenda de Cantabria 2018-2021.